பிரண்ட்ஷிப் படத்தின் முதல் ஸிநீக் பீக் இதோ…

Last Updated on September 13, 2021 by Dinesh

பிரண்ட்ஷிப் படத்தின் முதல் ஸிநீக் பீக் இன்று மக்கள் செல்வன் நடிகர் விஜய் சேதுபதி வெளியிட்டார்…

லாஸ்லியா, ஹர்பஜன் சிங், அர்ஜூன், சதீஷ் ஆகியோர் நடிப்பில் உருவாகி இருக்கும் திரைப்படம் பிரண்ட்ஷிப். இத்திரைபடம் வரும் செப்டெம்பர் 17 ஆம் தேதி திரைக்கு வர இருக்கிறது.

இந்நிலையில் தற்போது, இப்படத்தின் 10 நிமிடம் அடங்கிய முதல் ஸிநீக் பீக் இன்று வெளியாகியுள்ளது. இதனை நடிகர் விஜய் சேதுபதி தனது ட்விட்டர் பக்கத்தில் பிரண்ட்ஷிப் படக்குழுவினருக்கு வாழ்த்துகளை தெரிவித்து வெளியிட்டுள்ளார்.

கிரிக்கெட் உலகில் மிகவும் பிரபலமான சுழற் பந்து வீச்சாளர் ஹர்பஜன் சிங் முதன் முதலில் தமிழில் கதாநாயனாக ஏற்று நடிக்கிறார். இவர் கிரிக்கெட் வரலாற்றில் டெஸ்ட் தொடர், ஒரு நாள் போட்டிகள், டி 20 போட்டிகள் என அனைத்திலும் தனது அசத்தலான சுழற் பந்து வீச்சால் பல விக்கெட்களை வீழ்த்தி சாதனை புரிந்துள்ளார்.

தற்போது, ஹர்பஜன் சிங் கிரிக்கெட்டிலிருந்து சினிமாவில் அடி எடுத்து வைத்து உள்ளார். இவரின் முதல் படமே சினிமா ரசிகர்கள் இடையே பெரும் எதிர்பார்ப்பு நிலவி வருகிறது.

மேலும், இப்படத்தில் விஜய் டிவியில் ஒளிபரப்பான மிகவும் பிரபலமான பிக்பாஸ் நிகழ்ச்சியில் போட்டியாளராக பங்கு பெற்று மிகவும் பிரபலமானவர் லாஸ்லியா இவருக்கு என இணையத்தில் ஒரு தனி ரசிகர் பட்டாளமே உண்டு.

பிக்பாஸ் நிகழ்ச்சிக்கு பிறகு லாஸ்லியா கதாநாயகியாக இப்படத்தின் மூலம் முதன் முறையாக அறிமுகமாகிறார்.

இப்படத்தின் முதல் அறிவிப்புகளில் இருந்தே லாஸ்லியாவின் ரசிகர்கள் பிரண்ட்ஷிப் படத்தின் அவ்வ போது வெளியாகும் அப்டேட்களை இணையத்தில் ட்ரெண்ட் செய்து வந்தனர்.

பிரண்ட்ஷிப் படத்தின் முதல் ஸிநீக் பீக்

தற்போது அவர்களுக்கு விருந்தளிக்கும் விதமாக பிரண்ட்ஷிப் படக்குழு படத்தின் முதல் 10 நிமிட காட்சிகளை யுட்யூப் தளத்தில் இன்று வெளியிட்டுள்ளது..

இந்த அறிவிப்பு வெளியான சில நிமிடங்களிலே ட்விட்டரில் லாஸ்லியா (losliya) என்ற ஹஸ்டாக் உருவாக்கி ட்ரெண்டிங் செய்து வருகின்றனர்..

மேலும் பிரண்ட்ஷிப் படத்தின் முதல் ஸிநீக் பீக் 10 நிமிட வீடியோவை தமிழ் முன்னணி இயக்குனர்கள் வெற்றி மாறன், பாண்டி ராஜ் ஆகியோரும் வெளியிட்டுள்ளனர்.

தற்போது வெளியாகி இருக்கும் 10 நிமிட காட்சிகளில் லாஸ்லியாவிற்க்கு காரில் விபத்து ஏற்படுவது போன்ற காட்சி இடம் பெற்றுள்ளது.. அதை தொடர்ந்து ஆக்சன் கிங் அர்ஜூன் அசத்தலான சண்டை காட்சிகளும் அதில் இடம் பெற்றுள்ளன..

பிரண்ட்ஷிப் படத்தினை ஜே பி ஆர், ஸ்டாலின் தயாரிப்பில் ஜான் பால் ராஜ் மற்றும் சாம் சூர்யா ஆகியோர் இயக்குகின்றனர்.

படத்திற்க்கு டி.எம். உதய குமார் இசையமைக்கிறார், இப்படத்தில் ஒளிப்பதிவாளராக சாந்த குமார் மற்றும் எடிட்டராக தீபக் எஸ். டிவரக்னத் ஆகியோர் படத்திற்காக பணியாற்றியுள்ளனர்.

இத்திரைபடம் கடந்த வருடம் ஆகஸ்ட் மாதமே திரைக்கு வர இருந்த நிலையில் கொரோனா பரவல் காரணமாக படத்தை குறிப்பிட்ட தேதியில் வெளியிட முடியாமல் போனது..

தற்போது இப்படம் உலகம் முழுவதும் வரும் செப்டெம்பர் 17 ஆம் தேதி iதிரை அரங்குகளில் வெளியாகும் என படக்குழு அதிகாரபூர்வமாக அறிவித்துள்ளது..

பிரண்ட்ஷிப் படத்தின் முதல் ஸிநீக் பீக் கீழே கொடுக்கபட்டுள்ளது: